Eldhúsið í þessu húsi er afskaplega vel heppnað en það var gert algjörlega frá grunni eins og sjá má á myndunum. Eigandi þess er lífstílsbloggarinn Jenni Radosevich sem jafnframt stýrir vinsælum endurbótaþáttum á HGTV sem er sjónvarpsstöð sem sérhæfir sig í öllu því sem viðkemur heimili, hönnun og görðum vestanhafs.
Verkefnið tók fjóra mánuði en Jenni segir að markmiðið hafi verið að búa til rými sem var bjart og þægilegt. Hvítir litir eru áberandi í bland við skemmtilega aukahluti. Mikill kopar er í eldhúsinu en koparinn á alltaf vel við.