Matur | mbl | 12.4.2018 | 11:06 | Uppfært 21:59

Girnilegt ostapasta með óvæntu tvisti

mbl.is/Fallegt og freistandi

Það er rigningardagur og því kjörið að fá sér eitthvað ægilega huggulegt og kósí í kvöldmatinn - eða þannig. Þessi pastauppskrift er samt það sem við getum skilgreint sem dýrari týpuna enda með osti og blómkáli sem lúxús- og heilsuvæðir uppskriftina að miklu leiti og því þurfum við ekki að hafa neitt samviskubit.

Ravioli með mascaparone, blómkáli og möndlum

2 pakkar ravioli með osti 250 g
400 g skorið blómkál
½ dl ólífuolía
1 bolli mascaparone (250 g)
3 bollar soðvatn af pasta
1 msk sítrónusafi
Salt og svartur pipar
50 g gróft hakkaðar möndlur
Kál
Söxuð steinselja

Aðferð

Kál er smakkað til með olíu og ediki
Sjóðið pasta eftir leiðbeiningum á pakka og geymið soðvatnið. Svissið blómkál í ólífuolíu á djúpri pönnu þar til það er gullið á litinn eða í nokkrar mínútur. Bætið mascaparone og soðvatni út á pönnuna. Látið sósuna sjóða og smakkið til meðsalti og svörtum pipar. Setjið pastað út í sósuna. Setjið á disk og skreytið með möndlum og steinselju. Berið fram með káli.

Höfundur uppskriftar: Linda Ben

Heimild: Fallegt og freistandi