Margir sem eiga leið til Ítalíu eiga það til að bregða sér inn í Fornasetti-búð og kaupa einn lítinn disk í safnið, en Fornasetti er einmitt þekkt fyrir fallega aukahluti eins og klúta, húsgögn og postulín á borð við diska, bakka, kerti og krúsir. Margir bíða eflaust spenntir eftir nýjungum úr herbúðum Fornasetti en nú hefur ný lína af postulíni litið dagsins ljós, og eru það þrjár litlar uglur með mismunandi mynstri sem voru að detta í búðirnar. Hinni íkonísku uglu bregður einmitt oft fyrir í hönnun ítalska hönnunarhússins. Eru uglurnar í formi lítilla krúsa með loki, og mælast um 12 sentímetrar á hæð. Hver ugla er handmáluð og yrði eflaust mikil prýði á eldhúsbekknum. Við sjáum fyrir okkur að hægt sé að nota þær undir te, nú eða konfekt jafnvel. Uglurnar, ásamt öðru fíneríi frá Fornasetti má skoða nánar hér.