Gómsæt bananakaka með kanil og súkkulaði

Bananakaka svíkur engan, en þessi er með kanil og súkkulaði.
Bananakaka svíkur engan, en þessi er með kanil og súkkulaði. mbl.is/Ditte Ingemann

Maður fær sjaldan leið á bananakökum og það er undantekning ef hún fellur ekki í skapið hjá einhverjum í fjölskyldunni. Bananar, kókos og súkkulaði – þríeyki sem klikkar seint.

Bananakaka með kanil og súkkulaði

  • 75 g kókosolía, mjúk
  • 3 egg
  • 3 bananar, þroskaðir
  • 100 g möndlumjöl
  • 45 g kókoshveiti
  • 1 tsk. lyftiduft
  • 1 tsk. kanill
  • Salt á hnífsoddi
  • 1 tsk. vanillusykur
  • 75 g dökkt súkkulaði

Aðferð:

  1. Setjið kókosolíu, egg og banana í matvinnsluvél og blandið saman. Bætið við möndlumjöli, kókohveiti, lyftidufti, salti, kanil og vanillusykri í skál og hrærið saman við kókosolíublönduna í skál.
  2. Hakkið súkkulaðið gróft og bætið út í deigið.
  3. Smyrjið bökunarmót og hellið blöndunni í. Bakið við 200° á blæstri í 35-40 mínútur.
  4. Leyfið kökunni aðeins að hvíla áður en hún er skorin í sneiðar.
mbl.is/Ditte Ingemann
mbl.is