Nýjasti veitingastaður Gordon Ramsay fær slæma útreið

Gordon Ramsay.
Gordon Ramsay.

Hann hefur ekki einu sinni opnað. En Gordon Ramsay tilkynnti á dögunum að hann hygðist opna nýjan veitingastað í Mayfair í Lundúnum, nánar tiltekið þar sem veitingastaðurinn Maze var til húsa. Maze var einnig í eigu Ramsay en var lokað á síðasta ári eftir mikinn taprekstur.

Nýi veitingastaðurinn mun heita Lucky Cat og mun verða með ekta austurlenskan mat. Eitthvað fór þó tilkynningin og öll hugmyndin á bak við staðinn fyrir brjóstið á mörgum því það er réttilega bent á að það hljóti að teljast hæpið að opna ekta asískan stað án þess að eigandinn eða yfirkokkurinn sé af asísku bergi brotinn.

Gárungarnir hafa farið mikinn á Twitter og ljóst er að það þarf töluvert mikla heppni til að Lucky Cat komist á flug.

Grein Eater + fréttatilkynninguna má lesa hér.

mbl.is/Twitter
mbl.is/Twitter
mbl.is/Twitter
mbl.is