Páskaeggin eru komin út í búð og úrvalið er gríðarlega gott eins og undanfarin ár. Eitthvað er um nýjungar en „hittarar“ síðustu ára eru áberandi eins og við var að búast.
Athygli vekur XXL-eggið frá Nóa Síríus en það vegur hvorki meira né minna en 1.350 grömm og telst því stærsta eggið í ár. Eggið er rosalegt svo ekki sé fastar að orði kveðið og við ráðleggjum þeim sem fjárfesta í þessari snilld að borða það ekki allt í einu, það gæti kallað á töluverða magapínu.