Ef þú vilt bæta í heimilisilminn þá mælum við með þessu yndisaukandi brauði – fléttuðu með súkkulaðifyllingu. Létt og ljúffengt brioche-deig og súkkulaði er skotheld bomba með nýmöluðu kaffi.
Brauðið kallast upprunalega „babka“ sem þýðir „amma“ og kemur upphaflega frá Austur-Evrópu, en það voru innflytjendur sem bera ábyrgðina á að flytja uppskriftina til Ameríku þar sem það varð vinsælt og dreifðist víðs vegar um heiminn.
Yndisaukandi brauð fléttað með súkkulaðifyllingu
- 1½ dl mjólk
- 25 g ger
- 3 msk. sykur
- 1 egg
- 2 eggjarauður
- 400 g hveiti
- ½ tsk. salt
- 100 g mjúkt smjör
Súkkulaðifylling:
- 80 g mjúkt smjör
- 100 g flórsykur
- 2 msk. púðursykur
- 4 msk. kakó
- 100 g súkkulaði
- 1 tsk. kanill
Aðferð:
- Takið fram bökunarform, sirka 26x11 cm. Klæðið það með bökunarpappír og smyrjið að innan.
- Hitið mjólkina volga og bætið geri og sykri út í. Hrærið gerið út í mjólkina og hellið yfir í hrærivélaskál.
- Bætið eggi, eggjarauðum, salti og hveiti út í og blandið saman á lágum hraða.
- Bætið smjörinu út í í litlum bitum. Hnoðið í hrærivélaskálinni á miðlungshraða þar til deigið er mjúkt. Deigið mun vera klístrað í upphafi en eftir sirka 10 mínútna hnoð mun það taka sig.
- Stráið hveiti á borðið og leggið deigið á borðið. Hnoðið það örlítið á borðinu og formið í kúlu. Setjið deigið í skál með hreinu viskastykki yfir. Látið hefast í 2 tíma þar til það hefur náð að tvöfalda sig. Setjið þá skálina í kæli í 45 mínútur. Búið til súkkulaðifyllinguna á meðan.
- Fletjið deigið út á borðinu með smávegis af hveiti og myndið stóran ferning, 50x30 cm. Smyrjið fyllingunni yfir flötinn.
- Rúllið deiginu þétt upp eins og rúllutertu. Skerið í gegnum hana endilanga með hníf og leyfið helmingunum að liggja saman.
- Takið helmingana og snúið þeim saman, mest 3-4 sinnum, og setjið deigið í brauðformið. Látið hefast í 30 mínútur.
- Stillið ofninn á 180°C og bakiðí 50-60 mínútur.
Súkkulaðifylling:
- Setjið öll hráefnin saman í pott og hitið á lágum hita. Látið kólna aðeins áður en hún er smurð á deigið.