Girnilegar beikonvafðar rækjur

• 450 g rækjur (um 20 stk.)
• 7 sneiðar af beikoni
• 4 msk. saltað smjör
• ¼ bolli púðursykur
• ½ msk. chipotle (chipotle chili powder)

Aðferð:

1. Setjið bökunarpappír á bökunarplötu og hitið ofninn í 200°C.
2. Skerið hverja beikonsneið í 3 hluta og vefjið einum hluta utan um hverja rækju. Festið með tannstöngli og leggið á bökunarplötuna.
3. Blandið saman bráðnu smjöri, púðursykri og chipotle. Smyrjið rækjurnar með blöndunni og geymið um ⅓ af blöndunni þar til á eftir.
4. Bakið í 15 mínútur og takið þá rækjurnar út til að smyrja þær aftur. Setjið ofninn á grillstillingu og bakið rækjurnar áfram í 1-2 mínútur.
5. Berið fram með því sem hugurinn girnist.