Það er fátt andstyggilegra en andfýla og flest gerum við okkar besta til að koma í veg fyrir hana en oft virðist fátt duga.
Nú horfir hins vegar til betri vegar því farið er að nota sink í þessum tilgangi en það kemur í veg fyrir að bakteríur bindist yfirborði prótína og losi brennisteinsgas sem veldur andremmu.
Þegar er hægt að fá slíkt tannkrem hér á landi en samkvæmt óformlegri úttekt Matarvefsins er Jordan eini framleiðandinn sem býður upp á það. Að auki inniheldur tannkremið frá Jordan einnig flúor, xylitol og alls konar annað góðgæti fyrir tennurnar sem þykir almennt til háborinnar fyrirmyndar. Við rákum augun einnig í að það er parabenfrítt, sem ber að fagna.
Þar höfum við það gott fólk. Tannkrem með sinki – og svo auðvitað að bursta tennurnar oft og reglulega, nota góðan tannbursta (ekki of harðan) og nota tannþráð!