Við höfum reglulega skrifað um hvað The Rock eða Dwayne Johnson er skemmtilega ruglaður! Hann heldur úti bráðskemmtilegum Instagram-aðgangi sem er með því betra sem sést hefur. Hann er yfirleitt á æfingu eða í ævintýrum með dætrum sínum þar sem þær eru annaðhvort að mála hann, líma á hann dót eða láta hann lita. Þess á milli drekkur hann tekíla. 

Þess má reyndar geta að hann er eigandi Anjeo tekíla og því duglegur að plögga eins og vera ber. Í morgun var hann óvenjuhress (en þó bláedrú (að við teljum)) og ákvað að sýna fylgjendum sínum hvað væri í leikfimistöskunni sinni. Fyrir það fyrsta var litabók með frekar illa litaðri mynd sem hann fullyrti að konan hans hefði litað. Í öðru lagi dró hann upp poka með tíu hráum pylsum sem sem hann sagði að væru pylsur gerðar úr ljónum en það væri leyndarmálið á bak við það hversu góðu formi hann væri í og svo fékk hann sér slurk af tekíla. 

Við mælum eðlilega ekki með þessari for-æfingar máltíð — bara alls ekki og erum nokkuð viss um að ljónapylsur eru ekki til. 

Ljónapylsurnar sem eru nokkuð örugglega venjulegar pylsur. Ljósmynd/Facebook

Tekíla, sama hversu lítið, er ekki æskilegt fyrir æfingu. Ljósmynd/Facebook

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt