Grilluð samloka með osti, salsasósu og pepperóní

Þessi uppskrift dugar fyrir eina samloku.

• 2 brauðsneiðar, samlokubrauð eða annað brauð
• 3 stk. Gotta-ostur í sneiðum
• 2 msk. salsasósa, 2-3 msk.
• 6 sneiðar pepperoni
• 1 msk. mjúkt smjör
• fersk basilíka eða annað ferskt krydd eftir smekk

Aðferð:

1. Smyrjið tvær samlokubrauðsneiðar með salsasósu.
2. Leggið ostsneið á báðar sneiðar.
3. Raðið þremur pepperonisneiðum ofan á ostinn á annarri brauðsneiðinni og leggið svo hina brauðsneiðina ofan á.
4. Smyrjið brauðið að utan með þunnu lagi af smjöri og steikið á pönnu við meðalhita þar til gullinbrúnt.
5. Snúið þá samlokunni við, smyrjið smá salsasósu ofan á samlokuna, setjið ostsneið ofan á og toppið með restinni af pepperonisneiðunum.
6. Setjið samlokuna í ofn í 5 mínútur eða þar til osturinn bráðnar alveg og pepperoníið hefur aðeins bakast.
7. Einnig má hafa samlokuna áfram á pönnunni og setja lok á þar til osturinn bráðnar. Stráið yfir smá fersku basil og berið fram.

Höfundur: Helena Gunnarsdóttir