Hér erum við með nýjasta partísmellinn í ár en bakaðir ostar hafa notið mikilla vinsælda enda afskaplega góðir. Við erum að tala um ofnbakaðan ost sem bragðast eins og himnaríki!
Hann er úr smiðju Berglindar Hreiðars á Gotteri.is sem er manna flinkust í að reiða fram rosalega partírétti ...
Bakaður fetaostur með papriku
- 1 fetakubbur
- ½ krukka grilluð paprika
- 1 lúka gróft saxaðar kasjúhnetur
- smá ferskt rósmarín
Aðferð:
- Hitið ofninn í 180°C.
- Þerrið fetakubbinn og leggið í eldfast mót.
- Skerið paprikuna aðeins niður og hellið henni yfir ostinn ásamt nokkrum matskeiðum af olíu úr krukkunni.
- Stráið hnetum og rósmaríni yfir og bakið í um 20 mínútur.
- Gott er að rista baguettebrauðið og taka til annað meðlæti á meðan.
Baguette
- 1 baguette brauð
- ólífuolía
- hvítlauksduft, salt og pipar
Aðferð:
- Hitið ofninn í 180°C.
- Skerið brauðið í sneiðar.
- Penslið báðar hliðar með ólífuolíu og kryddið á annarri hliðinni.
- Ristið í ofninum í nokkrar mínútur eða þar til kantarnir gyllast aðeins og brauðið verður aðeins stökkt yst.
- Berið fram með bökuðum fetaosti með papriku.
Annað meðlæti
- Feykir 24+
- hráskinka
- vínber
- eplasneiðar
- Muga-rósavín
Ljósmynd/Berglind Hreiðarsdóttir