Samlokan sem kemur svívirðilega á óvart

Flest höfum við fremur fastmótaðar hugmyndir um margt – eins og til dæmis samlokur. Því eiga sjálfsagt fæstir von á að þessi svaðalega samloka sé ekki bara löðrandi í smjöri, hráskinku og avókadó heldur er aðalhráefni þorskur.

Við viljum meina að þetta sé mesti bragðlaukaglaðningur sem sést hefur í háa herrans tíð og hvetjum ykkur til að prófa. Lífsgæði ykkar munu aukast umtalsvert fyrir vikið.

Samlokan sem kemur svívirðilega á óvart

Uppskrift fyrir tvo

  • 250 g þorskur
  • 2 msk. tómatsalsa
  • 100 g rifinn mozzarella
  • 2 msk. olía
  • Salt
  • 2 sneiðar hvítt brauð
  • 50 g smjör
  • 1 hvítlauksgeiri
  • Salatblöð
  • Tómatar
  • Pikklaður laukur
  • Hvítlauksmajónes
  • Avókadó
  • Gúrka
  • Hráskinka
  • Franskar kartöflur

Aðferð

Fiskur

  • Veltið upp úr olíu og saltið eftir smekk.
  • Bætið tómatsalsa og rifnum osti yfir fiskinn.
  • Bakið á 180°C í 12-15 mín.

Samloka

  • Hitið pönnu með smjöri og rífið hvítlauk út á.
  • Steikið brauðið á báðum hliðum.
  • Útbúið samloku með fiski, hvítlauksmajónesi og öðrum hráefnum.

Berið fram með frönskum kartöflum.

 

 

mbl.is