Limoncello er ítalskur sítrónulíkjör sem hefur verið framleiddur í rúmlega 100 ár. Nú loksins er hægt að fá íslenska framleiðslu á þessum magnaða drykk en það er Þoran Distillery sem hefur sett Limoncello Atlantico á markað.
Drykkurinn er sætur og ferskur drykkur sem best er að bera fram beint úr frystinum. Þetta er frábær „digestivo“ til að fá sér eftir mat en hentar einnig í kokteila á borð við Limoncello Spritz og Limoncello gin og tónik.
Drykkurinn er ekki kominn í vínbúðir enn en hægt er að panta flöskur beint frá framleiðanda.
Limoncello-kaka sem bragðast eins og sælgæti
Fyrir sírópið
Fyrir toppinn
Aðferð
1. Hitaðu ofninn í 160°C með blæstri.
2. Þeyttu saman smjör og sykur í um 8-10 mínútur eða þangað til það er orðið silkimjúkt.
3. Þeyttu egg í annarri skál og bættu þeim svo rólega við smjörblönduna.
4. Taktu nú fram sleifina og hrærðu hveitinu, möndlumjölinu, sítrónuberkinum, Limoncello-inu og lyftiduftinu varlega saman við.
5. Helltu deiginu yfir í bökunarmót sem búið er að smyrja og klæða að innan með smjörpappír (mjög mikilvægt að sleppa ekki smjörpappírnum).
6. Bakaðu í um 40-45 mínútur og láttu kökuna svo kólna í bökunarmótinu. Mikilvægt að láta kökuna kólna vel.
7. Settu öll sírópshráefnin í lítinn pott á lágum hita, og leyfðu sykrinum að bráðna rólega.
8. Notaðu svo gaffal eða grillpinna til að stinga göt í kökuna og helltu svo sírópinu varlega yfir. Kældu aftur í hálftíma.
9. Blandaðu saman sítrónusafa og sykri og smyrðu því yfir kökuna.
10. Láttu þetta allt kólna í bökunarforminu sjálfu. Þessa á ekki að bera fram heita, gefðu henni nægan tíma til að kólna.
11. Takið úr forminu, skerið í sneiðar og berið fram.