Við fögnum öllum nýjum afurðum, uppákomum og nýjungum í matargerð hér á landi – en í fyrsta sinn á Íslandi má finna svokallaða Pokeskálar sem eru að slá rækilega í gegn. Pokeskálin er fyrsti veitingastaðurinn á Íslandi sem sérhæfir sig í slíkum skálum. Staðurinn opnaði í Mathöll Höfða fyrr í þessum mánuði, en eigendur reka einnig Pastagerðina á Granda og í Mathöll Höfða.

Hér um ræðir blöndu af sushi og salati þar sem eingöngu ferskt og gott hráefni ræður ríkjum, og eiga skálarnar rætur sínar að rekja á suðrænar slóðir til Havaí. Poke þýðir að „sneiða eða skera“, og vísar til bita af hráum marineruðum fiski, þá oftast túnfiski sem síðan er settur yfir hrísgrjón og toppað með grænmeti og sósu. Eða næsta kynslóð af af sushi ef svo má segja. Hér á landi býður Pokeskálin upp á skálar með kjúklingi, nautakjöti, laxi, risarækjum og tofu svo eitthvað sé nefnt – en bragðlaukarnir verða ekki fyrir vonbrigðum með samsetninguna og við mælum eindregið með að smakka. Á staðnum er einnig hægt að fá barnaskálar, svo ekkert stendur í vegi fyrir að fjölskyldan geti notið saman – en á heimasíðunni þeirra má finna fyrirtaks fjölskyldutilboð.

Pokeskálar eru nú fáanlegar í fyrsta sinn á Íslandi. mbl.is/Facebook_Pokeskálin

mbl.is/Facebook_Pokeskálin

Tengdar fréttir

Innlend veitingahús

Unaðslega góð grafin bleikja

• Parið á bak við Eyju vínstofu á Akureyri
• Feðgar opna Geitina í Urriðaholtinu
• Hvítar trufflur á Pósthúsinu um jólin
• Forréttindi að reka veitingastað í óspilltri náttúru

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt