„Ég hef alltaf sagt að ein Michelin-stjarna jafngildi um fimm milljörðum króna fyrir ferðabransann, þótt ég hafi engin vísindaleg rök mér til stuðnings,“ segir Bragi Skaftason, eigandi veitingastaðarins 10 dropar og fulltrúi í veitinganefnd Samtaka ferðaþjónustunnar, SAF.

Hann segir veitingastaði gædda Michelin-stjörnu breyta miklu, ekki bara fyrir matarmenningu þjóða heldur líka fyrir ferðaþjónustuna. Margir ferðist með það fremst í huga hvar sé hægt að fá gæðaþjónustu.

Talsverður fjöldi ferðamanna líti ekki við áfangastöðum sem hafi ekki Michelin-stjörnustað. „Það að bæta við stjörnu eru frábærar fréttir fyrir íslenskan matvælaiðnað, það dregur fleiri ferðamenn til landsins og gefur einnig til kynna að enn meiri gæði séu á næsta leiti.“

Nú eru tveir íslenskir veitingastaðir með Michelin-stjörnu, Dill og Óx, og segir Bragi það undirstrika hve mikið Íslendingar hafi þróast sem matarþjóð. „Stærstu áhrifin verða líklegast á staðina sem starfa í því umhverfi þar sem svona gæði og hæfileikar fá að skína, og mér finnst ekki ólíklegt að fleiri staðir fái stjörnu á næstu árum.“

Tengdar fréttir

Innlend veitingahús

Unaðslega góð grafin bleikja

• Parið á bak við Eyju vínstofu á Akureyri
• Feðgar opna Geitina í Urriðaholtinu
• Hvítar trufflur á Pósthúsinu um jólin
• Forréttindi að reka veitingastað í óspilltri náttúru

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt