Matur | mbl | 3.12.2023 | 6:15

Fjölskyldusmákökur Katrínar

Katrín Lillý Sveinsdóttir bakar góðar smákökur. mbl.is/Kristinn Magnússon

Katrín Lillý Sveinsdóttir stofnaði síðuna Gömul og góð húsráð á Facebook fyrir fjórum árum. Markmiðið var fá eldri frænkur og aðra í fjölskyldunni til að deila gömlum húsráðum en í dag eru fjölmargir sem fylgjast með síðunni. Þrátt fyrir að hafa gaman af góðum húsráðum segist Katrín ekki of upptekin af þrifum, jólin komi þrátt fyrir að ekki sé allt glansandi fínt. Hér deilir hún uppskrift af smákökum sem hún bakar gjarnan fyrir jólin.

mbl.is/Kristinn Magnússon

Fjölskyldusmákökurnar

1½ dl síróp
225 g púðursykur
100 g smjörlíki
1 dl rjómi
2 tsk kanill
1 tsk negull
1 tsk engifer
2 tsk matarsódi
500-600 g hveiti

Aðferð

Síróp, púðursykur og smjörlíki er brætt saman við vægan hita og svo kælt.
Rjóma og kryddi er svo blandað í.
Síðan er hveiti og matarsóda blandað saman við.
Geymt í kæli yfir nótt.
Kökurnar eru svo bakaðar við 200°.
Bakið í átta til tíu mínútur eftir stærð.
„Ég bræði súkkulaði, hvítt eða dökkt, og dýfi svo kökunum í, en það var settur glassúr á þær hérna áður fyrr.“