Söngkeppni framhaldsskólanna

Kór Tækniskólans kom sá og sigraði í Söngkeppni framhaldsskólanna 2012
Kór Tækniskólans kom sá og sigraði í Söngkeppni framhaldsskólanna 2012

 Í kvöld fer fram undankeppni í Söngkeppni framhaldsskólanna í Höllinni á Akureyri. Þrjátíu skólar keppa um að komast í úrslit  en aðeins tólf verða valdir til að keppa til sigurs annað kvöld. Úrslitunum verður sjónvarpað beint á RÚV klukkan 19.40. Dómnefnd skipuð Páli Óskari Hjálmtýssyni, Ragnhildi Gísladóttur og Agnesi Björt Andradóttur, velur ellefu lög sem þeim þykir verðskulda að komast áfram en það tólfta er valið með símakosningu. Á úrslitakvöldinu er það þó alfarið í höndum dómara að velja sigurvegarann og er það breytt fyrirkomulag frá því í fyrra en þá gilti val dómnefndar til jafns við símakosningu.

Í fyrra var það Tækniskólinn sem bar sigur úr býtum þegar heill karlakór flutti lagið Stolt siglir fleyið mitt eftir Gylfa Ægisson. Óhefðbundin atriði hafa oft reynst heillavænleg í Söngkeppninni og verður spennandi að fylgjast með hver hlýtur hnossið í ár. Sá mun feta í fótspor landsþekktra Íslendinga eins og Margrétar Eirar Hjartardóttur, Emilíönu Torrini, Sverris Bergmann og Eyþórs Inga Gunnlaugssonar sem hafa borið sigur úr býtum í keppninni í gegnum tíðina. Meðal annarra sem hafa stigið sín fyrstu skref á sviði keppninnar eru fyrrnefndur Páll Óskar Hjálmtýsson, Hera Björk Þórhallsdóttir og Regína Ósk.

 Hraðfréttatvíeykið óborganlega, Benedikt Valsson og Fannar Sveinsson, mun taka að sér starf kynna á úrslitakvöldinu og er aldrei að vita hvaða skemmtun þeir félagar draga fram úr erminni.

mbl.is
Fleira áhugavert

Stjörnuspá »

Hrútur

Sign icon Þótt þú sért skipulagður sjálfur geturðu ekki ætlast til að aðrir séu eins. Vandamálin geta vel verið fyrir hendi, þótt enginn sjá þau nema þú.
síðasta vika Vinsælustu hljóðbækurnar
1
Harry Whittaker og Lucinda Riley
2
Sólveig Pálsdóttir
3
Moa Herngren
4
Ragnar Jónasson
5
Jojo Moyes
Fleira áhugavert

Stjörnuspá »

Hrútur

Sign icon Þótt þú sért skipulagður sjálfur geturðu ekki ætlast til að aðrir séu eins. Vandamálin geta vel verið fyrir hendi, þótt enginn sjá þau nema þú.
síðasta vika Vinsælustu hljóðbækurnar
1
Harry Whittaker og Lucinda Riley
2
Sólveig Pálsdóttir
3
Moa Herngren
4
Ragnar Jónasson
5
Jojo Moyes