„Þungan kross ég ber“

Síðustu daga hafa nokkrir áhugaverðir tónlistarmenn mætt í Símaklefa Monitor og tekið lagið fyrir framan myndavélar. Um var að ræða svokallað „Live lounge“ þar sem flest böndin tóku eitt af sínum eigin lögum og eitt cover lag. Hljómsveitirnar koma úr ólíkum áttum og ættu allir að finna þar eitthvað við sitt hæfi. Næstu daga munu upptökur af þessu spileríi streyma inn á vef Monitor og eru allir tónlistarunnendur því hvattir til þess að fylgjast vel með.

Hér kemur inn seinni Símaklefi dagsins, en þar spila rokkararnir í Dimmu lag sitt „Þungur kross“. Svo virðist sem Airwaves hátíð ársins sé nokkuð rokkaðri en hún hefur verið undanfarin ár og er því hér um að ræða rétta sveit á réttum tíma. Dimma kemur fram eftir tæplega klukkutíma í Norðurljósasal Hörpu, eða klukkan 20:50, og annað kvöld á Hressó klukkan 23:20.

Öll upptaka fór fram í stúdíói Hljóðverks á Tunguhálsi, en þess má geta að Símaklefinn er örstutt frá Monitorstöðum og andar því hlýjum Airwaves straumum þar á milli.

• Blogga um frétt