Leikkonan Drew Barrymore opnaði sig um hvernig líkami hennar hefur breyst í gegnum árin. Hún segir að fólk eigi ekki að láta konur sem komast strax í form eftir barnsburð plata sig. Segir hún það hafa tekið sig 45 ár að læra hvernig hún eigi að vera í jafnvægi. 

Barrymore segist vera þakklát fyrir að hafa getað eignast tvö börn og hafi hún tekið glöð á móti afleiðingunum. 

„Hafandi sagt það þá hafa komið tímar þar sem ég hef staðið í fataherberginu og bara grátið. Hatað að klæða mig. Leið ekki vel! Það er svo erfitt fyrir mig að líta sæmilega út. Ég verð að borða rétt og æfa vel,“ segir Barrymore og segist ekki geta komið í veg fyrir að hún hafi tilhneigingu til þess að líta út eins og auglýsing fyrir tilbúið kökudeig.

„Ef ég hef litið sómasamlega út í einhverju sem ég hef gert síðan ég eignaðist börnin mín tvö er það vegna þess að ég hef klórað mig þangað. Þú getur það líka!“

Barrymore segist nú fylgja hinum gullna meðalvegi. Aðferð hennar er ekki fullkomin en hún er í anda hennar sjálfrar. Þakkar hún einnig einkaþjálfaranum sínum Marnie Alton fyrir að vera á þeim stað sem hún er í dag. 

Tengdar fréttir

Heilsurækt

Þetta vilja töffarar landsins fá í sumargjöf

• Tók á því í leðurbuxum
• „Tárin hættu bara ekki að streyma“
• Margir draga úr félagslegri virkni vegna grindarbotnseinkenna
• „Mér finnst ég aðeins tengdari guði og jörðinni“

» Fleiri tengdar fréttir

• Blogga um frétt