Leikarinn Josh Brolin hefur haldið sig frá áfengi í átta ár. Hann fagnaði áfanganum með langri færslu þar sem hann lofsamaði sitt áfengislausa líf og sagðist lifa mun betra lífi eftir að hann setti tappann í flöskuna. 

„Edrúmennskan er að elska án þess að allar hugsanir snúist um hvaða áhrif það hefur á þig sjálfan. Að vera edrú er andartak þar sem þú getur elskað og notið gleðinnar sem aðrir njóta. Edrúmennskan er að vita muninn á sjálfelsku og heiðarleika,“ skrifaði Brolin á Instagram. 

Brolin segist vera gríðarlega þakklátur fyrir eiginkonu sína Kathryn Boyd. Boyd gaf honum einmitt bréf þar sem hún sagði honum hversu þakklát hún væri fyrir það að hann hefði hætt að drekka. 

„Að vera edrú er líka þegar börnin þín horfa á þig og treysta því sem þau sjá. Þú sérð það á augum þeirra, þegar þau standa fyrir framan þig,“ skrifaði Brolin. 

Hann þakkar einnig Guði fyrir áfangann og fjölskyldu sinni og vinum fyrir stuðninginn í gegnum árin. 

Tengdar fréttir

Edrúland

Emmsjé Gauti edrú í fimm ár

• Varð full átta ára gömul
• „Dag­ur­inn er sá al­versti sem ég hef upp­lifað“
• Margrét Gnarr hefur verið edrú í sex ár
• Hefur ekki snert áfengi í fimm ár

» Fleiri tengdar fréttir

• Blogga um frétt