Við Þingholtsstræti í Reykjavík hefur fjölskylda komið sér vel fyrir og má sjá hluti eftir þekktustu hönnuði heims ásamt málverkum og listaverkum.
Húsið sjálft er 297 fm að stærð og var upphaflega byggt af Jóni Jenssyni. Það stóð áður hinum megin við götuna eða við Þingholsstræti 27 en var fært 1978.
Einstaklega vel hefur verið hugsað um þetta hús og búið að endurnýja það mikið. Eins og sést á myndunum er stíllinn heimilislegur og á hver hlutur sinn stað. Hvítt og svart leður fá að njóta sín innan um fantaflott listaverk og skrautmuni.