Pistlar:

21. september 2024 kl. 16:58

Sigurður Már Jónsson (sigurdurmar.blog.is)

Að lokinni sjávarútvegssýningu

Í gær átti ég þess kost að fara á sjávarútvegssýninguna sem haldin var í Smáralind í Kópavogi. Það er alltaf fróðlegt að fara á sjávarútvegssýningar og sjá hvað menn hafa fram að færa í nýjustu tækni og búnaði. Sýningin var vel heppnuð og margt að sjá sem vekur forvitni enda mörg fyrirtæki að kynna vörur sínar. Að þessu sinni var ég með gest með mér, mann frá Filippseyjum, sem meðal annars hefur starfað í ráðuneyti sjávarútvegsmála þar í landi. Hann þekkir ágætlega til íslensks sjávarútvegs eftir að hafa starfað fyrir fyrirtæki hér á landi að þróun nýs hugbúnaðar.aa

Það getur verið gaman að upplifa hlutina með augum gestsins og satt best að segja var félagi minn standandi hissa á því sem hann sá á sýningunni. Hann undraðist þá tækni sem var verið að kynna þar og þann búnað sem íslenskur sjávarútvegur notar. Honum fannst hann nánast kominn til annarrar plánetu miðað við það sem hann átti að kynnast af heima fyrir. Við Íslendingar tökum þessu sem sjálfsögðum hlut og dags daglega er íslenskur almenningur ekki að setja sig mikið inn daglegan rekstur og umgjörð sjávarútvegsins. Margir hafa það eitt að segja um sjávarútveginn að óska eftir því að hann greiði hærri auðlindagjöld.

Gjörnýting fisksins er undrunarefni

Það að útskýra sjávarútvegskerfið og fyrirkomulag fiskvinnslu, sölu og útgerðar fyrir útlendingum er alltaf forvitnilegt. Sérstaklega þegar bent er á að Íslendingar hafi ekki efni á öðru en að reka sjávarútveg með hagnaði. Efnahagur landsins leyfir ekki fjárhagslega tilfærslu til sjávarútvegsins, svo mikilvægur er hann í íslenska hagkerfinu.

Nú er svo komið að íslenskur fiskur er eftirsóttur um heim allan enda með margfalt minna kolefnisspor en annað dýraprótein, veiddur með sjálfbærum hætti, heilnæmur og umhverfisvænn og markar því undirstöðuna í fæði þeirra sem vilja leggja sitt af mörkum í loftslagsmálum. Útlendinga rekur í rogastans þegar þeir eru upplýstir um nýtingu á íslenskum fiski og að stefnt sé að því að nýta hann til fullnustu.aa

Loðnan og makríllinn bregðast

En íslenskur sjávarútvegur hefur orðið fyrir nokkrum búsifjum þetta árið þó að ekki sé um það mikið rætt. Hér var fyrir stuttu fjallað um loðnuvertíðina sem ekki varð en einnig hefur veiði á makríl verið sáralítil. Þetta hefur eðlilega áhrif á afkomu sjávarútvegsfyrirtækjanna og hluthafar þeirra sitja uppi með tjónið.

En á sama tíma hefur nýjasta stoð sjávarútvegsins, fiskeldi, verið að sýna styrk sinn. Á síðasta ári var fiskeldið talsvert í fréttum vegna áfalla sem það varð fyrir vegna sýkinga, laxalúsar og stroks úr kvíum. En eftir þessi áföll í laxeldinu í fyrra hefur eldið gengið mjög vel síðan. Í gær var greint frá því í Morgunblaðinu að mikil afköst væru hjá laxavinnslunni Drimlu í Bolungarvík þar sem 125 tonn af eldislaxi fóru í gegnum vinnsluna á níu tíma vinnudegi. Þar er nú stórt sláturhús sem veitir mörgum atvinnu og flytur út afurðir til þriggja heimsálfa. Rétt eins og í íslenskum sjávarútvegi virðast gæðin núna framúrskarandi. Mjög hátt hlutfall laxins fer í fyrsta flokk eða um 97% frá áramótum. Það er mjög hátt á heimsvísu og lax úr einstaka kvíum fer upp í 99% í fyrsta flokk. Vonandi bendir þetta til þess að laxeldið sé að ná tökum á framleiðslunni.aa

Styður fiskeldið við krónuna?

Það er athyglisvert að skoða útflutningsverðmæti eldisafurða sem nam rúmlega 3,4 milljörðum króna í ágúst samkvæmt bráðabirgðatölum Hagstofunnar. Það er hátt í 60% aukning miðað við ágúst í fyrra á föstu gengi. Á fyrstu átta mánuðum ársins er útflutningsverðmæti eldisafurða þar með komið í 30,7 milljarða króna. Það hefur aldrei verið meira á tilgreindu tímabili og er um 22% aukningu að ræða frá sama tímabili í fyrra á föstu gengi.

Samkvæmt upplýsingum frá SFS má reikna með að næstu mánuðir verði stórir þegar kemur að útflutningi á eldisafurðum, sér í lagi á laxi. Ef allt gengur eftir má reikna með að fiskeldi muni skila meiri gjaldeyristekjum í þjóðarbúið í ár en nokkru sinni fyrr. Það eru ánægjuleg tíðindi og vonandi að við getum horft á fiskeldi sem sterka og trausta útflutningsstoð. Ekki veitir af.

mynd
18. september 2024

Af hverju styðja Íslendingar eingöngu demókrata?

Í nýjum Þjóðarpúlsi Gallup mældist Kamala Harris, frambjóðandi Demókrataflokksins, með 91% fylgi meðal Íslendinga. Mótframbjóðandi hennar, Donald Trump, mælist aðeins með 9% fylgi. Fleiri konur en karlar styðja Harris en hvorki fleiri né færri en 96% íslenskra kvenna segjast myndu kjósa Harris en 85% karla. Þetta er í takt við aðrar slíkar kannanir á afstöðu íslenskra kjósenda til bandarískra meira
mynd
17. september 2024

Valdamesti maður hins ófrjálsa heims

Eftir nokkrar vikur verða forsetakosningar í Bandaríkjunum þar sem valdamesti maður hins frjálsa heims verður kosinn. En hver skyldi vera valdamesti maður hins ófrjálsa heims? Þar er eðlilegt að stoppa fyrst við Xi Jinping, leiðtoga Kínverska kommúnistaflokksins. Alla jafna er hann ekki mikið í fréttum og eins og hefur verið bent á hér áður í pistlum þá er helsti kosturinn við Kína fyrir meira
mynd
16. september 2024

Öryggishætta samfara gervigreind

Mótun og framþróun gervigreindar fellur ekki undir öryggismat íslenskra stjórnvalda. Það á ekki við um önnur lönd og í mars síðastliðnum kom út skýrsla á vegum bandaríska utanríkisráðuneytisins sem dregur upp heldur hrollvekjandi mynd af þeirri þjóðaröryggisáhættu sem stafar af örri þróun gervigreindar. Í skýrslunni er varað við því að tíminn sé að renna út fyrir alríkisstjórnina ef eigi að meira
mynd
12. september 2024

Dragi-skýrslan afhjúpar veikleika ESB

Í byrjun vikunnar kynnti Ursula von der Leyen, forseti framkvæmdastjórnar ESB, nýja skýrslu sem samin var undir forystu Mario Draghi, sem er hagfræðingur, bankamaður en þó mest um vert, fyrrverandi bankastjóri Seðlabanka Evrópu. Á yfir 400 síðum gerir Dragi tilraun til að greina styrkleika og veikleika Evrópu í alþjóðlegri samkeppni, þó sérstaklega við Bandaríkin og Kína. Óhætt er að segja að meira
mynd
11. september 2024

Gervigreind og dómsdagssinnar

Það er auðvelt að hrífast af framþróun gervigreindarinnar. Nú þegar hefur hún haft gríðarleg áhrif og flestir átta sig á að við erum rétt á árdögum getu hennar. En hvernig getur hún þróast og hvaða áhrif mun hún hafa? Sem gefur að skilja eru menn ekki á eitt sáttir um það en segja má að afstaða manna skiptist í tvö horn, einhvers konar framfarasinna og síðan efasemdamenn, jafnvel dómsdagssinna. meira
mynd
9. september 2024

Sumarauki í Kaupmannahöfn

Jónshús í Kaupmannahöfn verður bráðlega miðpunktur í heimsókn Höllu Tómasdóttur forseta Íslands til Danmerkur. Eins og hefðin segir til um er fyrsta heimsókn nýs forseta til Danmerkur, svona sem áminning um sterk og söguleg tengsl landanna. Svo vill til að þessi heimsókn verður einnig fyrsta opinbera þjóðhöfðingjamóttaka Friðriks tíunda sem varð konungur í Danmörku í byrjun árs þegar móðir hans meira
mynd
3. september 2024

Loðnubresturinn litar uppgjörin

Það er ekki víst að allir átti sig á því að það var engin loðnuvertíð í ár. Satt best að segja var enginn héraðsbrestur og sá vandi sem fylgir loðnubresti lenti ekki á borði stjórnvalda og kallaði ekki á sértækar aðgerðir, styrki til byggðalaga eða fyrirtækja eins og átti sér stað fyrir tíma kvótakerfisins. Með kvótakerfinu má segja að það sé búið að útvista áhyggjum af loðnubresti. Hann kemur að meira
mynd
2. september 2024

Leikir, listir og erlent vinnuafl

Þegar fréttir berast af vinnuslysi gera flestir ráð fyrir því að þar sé um erlendan starfsmann að ræða. Þannig er Ísland í dag, stór hluti erfiðisvinnustarfa hér á landi er unninn af erlendum starfsmönnum sem hingað koma tímabundið. Flestir sem hafa þurft að kaupa sér vinnu iðnaðarmanna þekkja þetta, stundum er samið við íslenskan fagmann en verkin síðan unnin af útlendingum. Íslensk bygginga- og meira
mynd
29. ágúst 2024

Stjórnleysi, íslam og Sómalía

Í reynd er hægt að segja að í nokkrum ríkjum Austur-Afríku sé langvarandi mannúðarkrísa sem engan endir sér á. Þar má fyrst nefna lönd eins og Súdan, Suður-Súdan og Sómalíu en vandamál þessara ríkja smitast yfir landamærin til nágrannaríkjanna. Í reynd hefur aldrei tekist að byggja upp vísi að stjórnkerfi í þessum löndum eða innleiða þau lýðræðislegu eða stjórnskipulegu tæki sem þarf til að meira
mynd
27. ágúst 2024

Gullhúðað íslenskt eftirlitsþjóðfélag

Nú þegar landsmenn eru að meta orsakir slyssins í íshellinum í Breiðamerkurjökli um helgina horfa margir til þess hvernig koma eigi í veg fyrir að slíkt gerist. Sýndu ferðaþjónustuaðilar gáleysi eins og lesa má úr orðum vísindamanna? Og ef svo er, hvernig er hægt að koma í veg fyrir að fólk sé sett í hættu því tæpast er hægt að ætlast til að ferðamenn geti metið áhættuna. Þarf eftirlit til þess meira
mynd
26. ágúst 2024

Martröð vegtolla skellur á höfuðborgina

Um 63% íbúafjölda landsins bjó á Stór-Reykjavíkursvæðinu 1. janúar 2024, í samfelldri byggð frá Hafnarfirði til Mosfellsbæjar, alls 239.733 manns. Þar af um 140 þúsund í Reykjavík. Segja má að hvorki höfuðborgarsvæðið né Reykjavík sé nógu stórt til að ráðast í varanlegar samgöngubætur eins og jarðlestakerfi en svæðið er eigi að síður það stórt að samgöngur verður að leysa með miðstýrðum hætti í meira
mynd
23. ágúst 2024

Um hvað er barist í Bandaríkjunum?

Það hefur ekki farið fram hjá neinum að það verður kosið í Bandaríkjunum í haust og leiðtogi hins frjálsa heims valinn, svo vitnað sé til vinsællar klisju. Bandaríkin eru mikið land, það þriðja stærsta að flatarmáli og mannfjölda. Þar búa nú um 340 milljónir manna í ríkasta hagkerfi heims. Við höfum vanist fullyrðingunni um að allt sé stórt í Ameríku og það á sannarlega við. Bandaríkin eru meira
mynd
22. ágúst 2024

Menningarkristni í trúlausum heimi

Stjörnufræðingar sjá lengra en aðrir inn í framtíðina og hafa spáð því að Vetrarbrautin okkar og Andrómeduvetrarbrautin muni lenda í árekstri eftir svo sem fjóra milljarða ára! Þetta verður sjónarspil því þegar vetrarbrautirnar renna saman munu þær að öllum líkindum mynda stóra vetrarbraut í laginu eins og egg eða kúla. Á Stjörnufræðivefnum er okkur sagt að við þurfum ekki að hafa miklar áhyggjur meira
mynd
20. ágúst 2024

Tyrkjaránið og saga þrælahalds

Í hvert skipti sem Vestmannaeyjar eru heimsóttar rifjast Tyrkjaránið óhjákvæmilega upp. Atburðurinn hafði slík áhrif á íslenskt samfélag að sagt er að landsmenn hafi beðið almættið um vernd frá ránsmönnum næstu hundrað árin á eftir. Tyrkjaránið og Eyjagosið 1973 eru tveir stærstu atburðirnir í sögu Vestmannaeyja og bærinn gerir margt til að halda þessari sögu á lofti. Nýir atburðir í meira
mynd
18. ágúst 2024

Alvotech á flug?

Í tilkynningu sem lyfjaþróunarfélagið Alvotech sendi frá sér fyrir helgi kom fram að félagið skilaði mettekjum og metframlegð á öðrum ársfjórðungi og á fyrri helmingi ársins. Viðbrögð fjárfesta voru mjög jákvæð og bréf félagsins hækkuðu mikið og ekki er laust við að vellíðunarstuna hafi farið um íslenskan fjárfestaheiminn vegna afkomunnar. Svo virðist sem þetta verðmætasta félag íslensku meira
mynd
15. ágúst 2024

Er eitthvað vit í hlutabréfum?

Hvernig á að horfa á hlutabréfamarkaðinn íslenska sem er alltaf svolítið eins og hann sé rétt að slíta barnsskónum? Varla er hægt að segja að hann sé búinn að jafna sig eftir bankahrunið fyrir ríflega 15 árum, já fjárfestar geta verið langminnugir. Eða ekki! Hlutabréfamarkaðurinn á Íslandi var undir miklum þrýstingi árið 2023, og lækkaði um um 7% vegna efnahagslegra áskorana og aukins vaxtaálags. meira
mynd
12. ágúst 2024

Bretland: Fjölmenningarlegt eða fjölþjóðlegt?

Það er fróðlegt að sjá hvernig sagnfræðingurinn David Starkey bregst við nýjustu mótmælum og óeirðum víða um Bretland í nýlegu viðtali við GB sjónvarpsstöðina. Starkey gagnrýndi Keir Starmer, nýjan forsætisráðherra Breta, harðlega fyrir viðbrögð hans við mótmælunum og sagði Verkamannaflokkinn hafa endanlega misst traust hvíts fólks úr verkamannastétt. David Starkey, sem er ekki þekktur fyrir meira
mynd
9. ágúst 2024

Alþjóðavæðing glæpaheimsins og Norðurlönd

Nýlega var sagt frá því í fréttum Ríkisútvarpsins að lögregla í Danmörku hafi upplýst að glæpamenn þar í landi séu í auknum mæli teknir að fá sænsk ungmenni til að fremja ódæði fyrir sig. Tilefni ummælanna voru þau að tveir unglingar voru í haldi vegna tilrauna til manndráps. Unglingspiltarnir eru sænskir ríkisborgarar, sextán og sautján ára gamlir. Annar var handtekinn í Kolding á meira
mynd
7. ágúst 2024

Bretland: Sannleikurinn er ekki rasískur

Bretland er í hópi þeirra landa sem flestir Íslendingar heimsækja og við teljum okkur þekkja breska menningu mjög vel, hvort sem það er á sviði tónlistar eða kvikmynda. Þá höfum við gríðarlegan áhuga á ensku knattspyrnunni, svo mjög að margir eiga í tilfinningasambandi við enska liðið sitt. Þá eru margir virkir stuðningsklúbbar enskra liða á Íslandi. Við þekkjum einnig vel breska sögu og stjórnmál meira