Týndi kettinum og leitaði huggunar á Kringlukránni

Júlía Margrét Einarsdóttir með bókina sína.
Júlía Margrét Einarsdóttir með bókina sína. mbl.is/Ágúst Óliver Erlingsson

Það var einstök stemning í Máli og menningu þegar Júlía Margrét Einarsdóttir fagnaði útkomu bókar sinnar, Guð leitar að Salóme. Um er að ræða skáldsögu um Salóme sem týnir kettinum sínum rétt fyrir jólin og í örvæntingarfullri leit sinni venur hún komur sínar á Kringlukrána. 

Hún sest við barinn og skrifar bréf þar sem hún opinberar sig í fyrsta sinn. Bréfin eru stíluð á hina dularfullu Helgu sem vann með Salóme í versluninni Betra lífi tíu árum fyrr. Með lifandi frásagnargleði afhjúpar hún sjálfa sig og leitar skilnings á fjölskyldusögunni, ástinni og sálarstríði ungrar konu í grátbroslegum smábæjarharmleik þriggja ættliða á Akranesi. Við sögu koma spákona í Fossvogi, drykkfelldur organisti og auðvitað örlagavaldurinn Helga. Hér er á ferðinni martraðarkennd uppvaxtar- og ástarsaga úr rammíslenskum veruleika.

Í útgáfuboðinu kom Þórir Georg og spilaði nokkur vel valin lög áður en Júlía Margrét las valinn kafla upp úr bókinni og sagði frá henni. Að sögn eins gestsins í boðinu varð ekki þverfótað fyrir fólki með bros á vör því höfundurinn er þekktur fyrir orðsnilld sína og kímnigáfu. 

„Svo var formlegri dagskrá lokið og allflestir löbbuðu út í nóvemberkvöldið með nokkur árituð eintök frá stjörnu kvöldsins fyrir sig og sína sem eiga eftir að enda í jólapökkunum heyrðist mér – enda tilvalin undir jólatréð í ár,“ segir Birgir Marteinsson lögfræðingur sem var á meðal gesta. 

Júlía Margrét Einarsdóttir er með MA-gráðu í ritlist frá Háskóla Íslands og MFA-gráðu í handritagerð frá New York Film Academy. Hún hefur áður sent frá sér nóvellu og ljóðabók og sló eftirminnilega í gegn með sinni fyrstu skáldsögu, Drottningunni á Júpíter (2018). Samhliða skrifum starfar Júlía við menningarblaðamennsku og dagskrárgerð.

Auður Jónsdóttir og Kamilla Einarsdóttir.
Auður Jónsdóttir og Kamilla Einarsdóttir. mbl.is/Ágúst Óliver Erlingsson
Dagný Kolbeinsdóttir og Birgir Matreinsson.
Dagný Kolbeinsdóttir og Birgir Matreinsson. mbl.is/Ágúst Óliver Erlingsson
Líf Magneudóttir.
Líf Magneudóttir. mbl.is/Ágúst Óliver Erlingsson
Einar Kárason.
Einar Kárason. mbl.is/Ágúst Óliver Erlingsson
Arnrún Tryggvadóttir og Linda Karlsdóttir.
Arnrún Tryggvadóttir og Linda Karlsdóttir. mbl.is/Ágúst Óliver Erlingsson
Ari Alexander og Eva Schram.
Ari Alexander og Eva Schram. mbl.is/Ágúst Óliver Erlingsson
Þórir Georg söng fyrir gesti.
Þórir Georg söng fyrir gesti. mbl.is/Ágúst Óliver Erlingsson
mbl.is/Ágúst Óliver Erlingsson
Signý Sigurðardóttir og Halldór Guðmundsson.
Signý Sigurðardóttir og Halldór Guðmundsson. mbl.is/Ágúst Óliver Erlingsson
Júlía Aradóttir, Birta Aradóttir og Fannar Matthías Þórisson.
Júlía Aradóttir, Birta Aradóttir og Fannar Matthías Þórisson. mbl.is/Ágúst Óliver Erlingsson
Eysteinn Sigurðsson og Salóme Rannveig Gunnarsdóttir.
Eysteinn Sigurðsson og Salóme Rannveig Gunnarsdóttir. mbl.is/Ágúst Óliver Erlingsson
Oddný og Hermann.
Oddný og Hermann. mbl.is/Ágúst Óliver Erlingsson
mbl.is