Nýjasta kvikmynd leikstjórans Baltasars Kormáks, Beast, var frumsýnd í New York í Bandaríkjunum í gær. Baltasar og kærasta hans Sunneva Ása Weisshappel listakona mættu í sínu fínasta pússi á frumsýninguna. 

Stórleikarinn Idris Elba fer með aðalhlutverk í myndinni en hann lét sig auðvitað ekki vanta á frumsýninguna. Myndin var frumsýnd í Museum of Modern Art í borginni sem aldrei sefur. 

Smartland ræddi við Baltasar um kvikmyndina í vor. „Þetta er um fjöl­skyldu. For­eldr­arn­ir hafa skilið að borði og sæng fyr­ir nokkru. Kon­an verður svo veik og fell­ur frá. Hún hafði lofað dætr­um sín­um tveim­ur að fara með þær til Afr­íku til þorps­ins þaðan sem hún er og pabb­inn ákveður að fara í þessa ferð með þær í staðinn,“ sagði Baltas­ar. Í ferðinni ger­ir ljón eitt þeim lífið leitt og lenda þau í mikl­um hremm­ing­um. „Þetta er svaka has­ar og ofboðsleg spenna en und­ir­tónn­inn er líka fal­leg fjöl­skyldu­saga.“

Beast verður frumsýnd hér á Íslandi hinn 24. ágúst.