Dineout Open golfmótið var haldið með pomp og prakt á Hlíðavelli í Mosfellsbæ á dögunum. Góð þátttaka var á mótinu og mættu um 200 manns og tóku þátt. Eigendur og rekstraraðilar veitingastaða létu sig ekki vanta. 

Sigurvegarar mótsins voru Íslandsmeistari í höggleik, Kristján Þór Einarsson ásamt liðsfélaga sinum Eyjólfi Kolbeins. Annað sætið tók eigandi Sjávargrillsins, Gústav Axel. Gunnar Nelson og Björgólfur Takefusa börðust svo um þriðja sætið. Að móti loknu var boðið upp á kvöldverð á Blik Restaurant, veitingastaður klúbbsins.

Yfir 80 veglegir vinningar voru í boði og má þar nefna gjafabréf í flug frá Play air, Nespresso kaffivélar, gjafabréf á fjölda af vinsælustu veitingastöðum landsins, skargripi frá Vera design og verk eftir Hendrikku Waage svo eitthvað sé nefnt.