Tölvuleikurinn rændi kærastanum

Kona sem á kærasta sem eyðir of miklum tíma í tölvuleikjum leitaði ráða hjá E. Jean, ráðgjafa Elle. 

Kæra E. Jean, starfs míns vegna sé ég kærastann minn sjaldan. Þegar við fáum tækifæri til þess að vera saman spilar hann tölvuleiki í staðinn fyrir að tala við mig, nema þegar við stundum kynlíf. Það er jafnvel verra þegar við tölum saman í síma. Þá þarf ég að keppa við aðra tölvuleikjaspilara sem hann er að tala við og spila við á sama tíma og við tölum saman. Ég hef oft og mörgum sinnum sagt honum hvernig þessi mikla tölvuleikjasýki lætur mér líða. Hann fer bara í vörn og svarar: „Af hverju ætti það að trufla þig? Ég get gert margt í einu."

Ráðgjafinn er ekki hrifinn af hegðun kærastans og segir að hún hafi lamið sig í ennið tvisvar á meðan hún las þetta stutta bréf. 

Ég hefði örugglega rotað sjálfa mig ef þú hefðir lýst meira af sjálfselskri grunnhyggni af hans hálfu. Hann skortir persónuleika. Ef hann getur ekki lagt frá sér fjarstýringuna og eytt tveimur kvöldum á viku með þér, bara þér, verðurðu að hætta með honum. 

Kærastinn vill bara spila tölvuleiki. mbl.is/Thinkstockphotos

• Blogga um frétt