Katrín, hertogaynja af Cambridge, skartaði uppáhalds kórónu Díönu prinsessu í opinberri athöfn sem fram fór í Buckingham höll í gær.
Hár hertogaynjunnar var fallega sett upp sem gerði það að verkum að kórónan naut sín vel. Einnig klæddist hún fallegum kjól frá Alexander McQueen, sem hún er jafnframt talin hafa sést í áður.
Þetta er í fyrsta sinn sem hertogaynjan sést með kórónuna, en hún er ekki vön að bera slíkt höfuðskraut. Í rauninni hefur hún aðeins þrisvar sést skarta kórónu, þar á meðal á sjálfan brúðkaupsdaginn.
Díana prinsessa fékk kórónuna að gjöf árið 1981, en hún var áður í eigu Elísabetar drottningar. Báðar hafa þær oftsinnis skartað höfuðdjásninu sem prýtt er með demöntum og perlum.
Kórónan var gerð árið 1914 eftir hönnun Maríu drottningar, ömmu Elísabetar.
Fleiri myndir má sjá á vef Daily Mail.