Endurlífgaðu húðina eftir veturinn
Lilja Ósk Sigurðardóttir
Setja bókamerki
Þegar við komum undan vetri er spegilmyndin ekki alltaf upp á sitt besta. Stormur og rigning hefur barið á húðinni og hitabreytingar búnar að koma henni í ójafnvægi með tilheyrandi yfirborðsþurrki. Það er auðvelt að snúa þessu öllu við með góðum húðvörum og mætti segja að endurlífgun húðarinnar sé jafnmikilvæg og hin árlega vorhreinsun.
Dauðar húðfrumur fjarlægðar
Fljótlegasta leiðin til að sjá glitta aftur í ljóma húðarinnar er að fjarlægða dauðar húðfrumur af yfirborðinu. Þú getur valið á milli ávaxtasýru, sem fjarlægir dauðar húðfrumur á mjög jafnan hátt og getur hentað viðkvæmri húð betur, eða kornaskrúbb, sem veitir samstundis árangur. Ef þú ert með olíukennda eða óhreina húð skaltu tileinka þér frekar BHA-sýru, sem leysir upp fitu, en ef húðin þín er í þurrara lagi skaltu skoða AHA-sýru, sem vinnur aðallega á yfirborðinu. Kornaskrúbbur er auðvitað alltaf klassískur og það er sniðugt að eiga til dæmis duft sem þú blandar út í andlitshreinsinn þinn og gerir hann að kornahreinsi.
Raki, raki, raki
Aukin rakagjöf getur slétt úr fínum línum og gert húðina þrýstnari ásýndar, ekki veitir af eftir veturinn. Gakktu skrefinu lengra í rakagjöfina og tileinkaðu þér rakavatn, sem þú setur á húðina fyrir rakakrem, og rakasprey sem þú spreyjar yfir húðina í tíma og ótíma til að halda rakastiginu í botni. Eitt allra flottasta rakaspreyið á markaðnum er Chanel Sublimage La Brume en þó það kosti sitt er það hverrar krónu virði. Umbúðirnar eru stórfenglegar og formúlan býr yfir öflugum andoxunaráhrifum sem draga úr myndun öldrunareinkenna.
Næring fyrir húðina
Gott rakakrem leikur lykilhlutverk í góðri húðumhirðu og með hlýnandi veðri getum við leyft okkur aðeins léttari rakakrem. Prófaðu að bera vel af rakakreminu á húðina fyrir svefninn og leyfa því að ganga inn í húðina yfir nóttina.
Andlitsmaski
Hverjum líður ekki vel eftir andlitsmaska? Mikið úrval er af andlitsmöskum á markaðnum en nýlega komu tveir nýir maskar á markaðinn sem fönguðu athygli mína. Fyrst ber að nefna LancômeAdvanced Génifique Hydrogel Melting Mask en þetta er gelmaski sem býr yfir miklu magni af Bifidus-þykkni og rakagefandi innihaldsefnum sem bráðna inn í húðina, mjög hentugur fyrir skjótan árangur. Seinni maskinn er Origins Mega-Mushroom Relief & Resilience Soothing Face Mask sem er sérstaklega ætlaður til að sefa húðina og styrkja hana. Formúlan inniheldur m.a. reishi-, chaga- og coprinus-sveppi til að draga úr roða og öðrum óþægindum í húðinni.
Sérhæfð meðferð
Sérhæfðu húðumhirðu þína eftir þörfum húðarinnar hverju sinni, stundum þarf að vinna gegn roða, næra eða hreinsa húðina upp. Nýlega uppgötvaði ég ástralska merkið Esmi sem gerir frábærar formúlur sem sérhæfðar eru til að takast á við hin ýmsu húðvandamál. Formúlurnar eru vegan, cruelty free og státa af háu magni af virkum innihaldsefnum. Hægt er að fá formúlu m.a. gegn roða, til að auka raka, til að næra, til að hreinsa og til að auka ljóma húðarinnar.
Tileinkaðu þér vörur með C-vítamíni
Eitt vinsælasta innihaldsefnið í húðumhirðu er C-vítamín en það virðist vinna á flestum húðvandamálum, þéttir húðina og eykur ljóma hennar ásamt því að jafna húðlitinn. Hver þarf ekki svona allra meina bót fyrir vorið?
Næturmeðferð
Til að ýta undir endurlífgun húðarinnar getur verið sniðugt að grípa í sérstakar næturmeðferðir tvisvar í viku og vakna upp með vel nærða húð. Á næturnar endurnýjar húðin sig og hreinsar og því gott að ýta aðeins undir það ferli.
Lögreglan leitar eftir myndefni í tengslum við andlátið
Hætta vegna jarðfalls í sprungur metin töluverð
Birtu ekki dóm yfir fyrrverandi forseta bæjarstjórnar
Búið að fella björninn
Björninn sagður nálægt byggð
Grænlendingar vildu ekki fá björninn til baka
740 milljón króna sígarettusmygl
Spurt og svarað
húðlæknir á Húðlæknastöðinni svarar spurningum lesenda
sálfræðingur á Sálfræðistofunni Sálarlíf svarar spurningum lesenda
einstaklings- og fjölskylduráðgjafi svarar spurningum lesenda
Klínískur félagsráðgjafi hjá Lausninni
hjúkrunar- og kynfræðingur svarar spurningum lesenda
svarar spurningum um lögfræðileg mál