Brock Collection er nýtt vörumerki sem vert er að fylgjast með ef marka má erlenda fjölmiðla. Stofnendur fyrirtækisins, þau Kristopher Brock og Laura Vassar, kynntust í Parsons-hönnunarskólanum. Á skömmum tíma urðu þau miklir vinir sem síðan leiddi til þess að þau stofnuðu tískuhúsið og seinna giftu sig.
Þau eru nú búsett í Los Angeles þar sem klæðskeraverkstæði þeirra er staðsett. Það sem þykir einstakt við fatnaðinn frá Brock Collection eru sniðin og efnin. Eins þykir margt nýtt og fallegt að koma frá þeim. Skemmtilegt sambland af þægindum og fagurfræði.
Stjörnur á borð við Alicia Vikander, Zoe Saldana, Emily Ratajkowski, Jennifer Lawrence og Margot Robbie eru aðdáendur og birta jafnan myndir af sér í fatnaði frá Brock Collection.
Tatler fjallaði nýverið um heitustu tískuhúsin sem vert væri að leggja á minnið og var Brock Collection að sjálfsögðu eitt þeirra.