Smartland Mörtu Maríu | Tíska | mbl | 15.11.2021 | 10:10

Stal senunni í heiðgulum kjól

Lífsgleði Drew Barrymore var áþreifanleg á tískuverðlaunahátíðinni CFDA í New York á dögunum. AFP

Mikið var um dýrðir á tískuverðlaunahátíðinni CFDA (Council of Fashion Designers of America) í New York á dögunum. Verið var að heiðra frambærilegustu hönnuði Bandaríkjanna. Leikkonan Zendaya vann verðlaunin tískufyrirmynd ársins (fashion icon) og klæddist hún tvískiptum rauðum kjól úr smiðju Veru Wang.

Óhætt er þó að segja að leikkonan Drew Barrymore hafi stolið senunni í heiðgulum tjullkjól frá Christian Siriano. Kjóllinn þótti hæfa persónuleika hennar einstaklega vel enda er hún þekkt fyrir að vera síbrosandi og vingjarnleg í fasi.

Þá vakti breska leikkonan Emily Blunt einnig athygli fyrir appelsínugula buxnadragt frá Christopher John Rogers en hann var verðlaunaður fyrir að vera í fararbroddi í kventískuhönnun.

Drew Barrymore mætti í heiðgulum kjól úr tjulli eftir hönnuðinn Christian Siriano. AFP

Zendaya var í kjól frá Veru Wang. AFP

Emily Blunt sýndi á sér nýja og djarfari hluið og klæddist appelsínugulri buxnadragt frá Christopher John Rogers sem verðlaunaður var á hátíðinni. AFP