Víkingur Ólafsvík og Selfoss eru Íslandsmeistarar í innanhúsknattspyrnu. Úrslitaleikirnir fóru fram um helgina í Laugardalshöll.
Selfoss vann 7-4 sigur gegn Álftanesi í úrslitaleik kvenna. Selfossliðið reyndist öflugra á lokasprettinum eftir að staðan hafði verið jöfn 4-4.
Víkingur Ólafsvík vann öruggan 13-3 sigur gegn Leikni/KB í úrslitaleik karla. Þessi sömu lið öttu kappi á seinasta ári en þá hafði Víkingur Ólafsvík einnig betur.
Þetta er þriðja árið í röð sem Víkingur Ólafsvík hampar Íslandsmeistaratitlinum í innanhúsknattspyrnu.