Valur hafði betur gegn Stjörnunni, 1:0, í Lengjubikar kvenna í fótbolta í kvöld, en leikið var í Egilshöll. Eygló Þorsteinsdóttir skoraði sigurmarkið á 76. mínútu, en aðeins mínútu fyrr fékk Hallbera Guðný Gísladóttir beint rautt spjald.
Valur hefur unnið alla þrjá leiki sína í keppninni til þessa og ekki enn fengið á sig mark. Á Akureyri gerðu Þór/KA og Breiðablik 1:1-jafntefli. Landsliðskonurnar Andrea Mist Pálsdóttir og Agla María Albertsdóttir skoruðu mörkin.
ÍBV vann svo 3:1-sigur á FH á Leiknisvelli. Adrienne Jordan skoraði tvö mörk í fyrri hálfleik og Clara Sigurðardóttir bætti við þriðja marki ÍBV áður en Marjani Hing-Glover skoraði eina mark FH.
Upplýsingar um markaskorara og rauða spjaldið í leik Vals og Stjörnunnar fengust á fotbolti.net.
Staðan í riðlinum:
Valur 9
Brieðablik 7
Stjarnan 3
ÍBV 3
Þór/KA 1
FH 0