Gott próf fyrir okkur

„Ég held að það hafi verið mjög mikilvægt fyrir okkur að fá stig úr þessum leik og gott að komast aftur inní leikinn og jafna í lokin, það sýnir liðsheildina,“  sagði Natasha Anasi fyrirliði Keflvíkinga eftir 1:1 jafntefli gegn HK/Víkingi í kvöld þegar leikið var í 10. umferð efstu deildar kvenna í fótbolta, Pepsi-deildinni.

„Við fengum fullt af færin en það fengu hinar líka, mér fannst bæði lið eiga góðan leik.  Mér fannst lið HK/Víkings koma af hörku í leikinn og héldu sóknarmönnum okkar niðri en við reyndum líka að spila af krafti.  Við höfum náð að spila eins og við viljum í síðustu leikjum svo ég held að þessi leikur hafi líka verið góður til að prófa okkur.  Deildin er svo jöfn og það munar um hvert stig,“ bætti fyrirliðinn við.

• Blogga um frétt