Þorgrímur sá smitaði í starfsliði Íslands

Rithöfundurinn Þorgrímur Þráinsson er með kórónuveiruna en þetta staðfesti hann í samtali við Vísi.is í dag.

Frétt af mbl.is

Allt starfslið Íslands í sóttkví

Þorgrímur hefur verið hluti af starfsliði A-landsliðs karla undanfarin ár og af þeim sökum er allt starfslið íslenska karlalandsliðsins nú komið í sóttkví.

„Ég er blóraböggullinn,“ sagði Þorgrímur brattur í samtali við Vísi.is í dag.

„Ég er bara feginn að þetta sé ég en ekki einhver annar,“ bætti Þorgrímur við en hann segist vera stálsleginn og finni ekki fyrir neinum einkennum.

Erik Hamrén, þjálfari Íslands, og Freyr Alexandersson, aðstoðarþjálfari liðsins, eru báðir komnir í sóttkví og verða því ekki á hliðarlínunni á morgun þegar Belgar koma í heimsókn á Laugardalsvöll í Þjóðadeild UEFA.

Eins og staðan er í dag er ekkert sem bendir til þess að leikurinn geti ekki farið fram þar sem enginn grunur leikur á um að leikmaður í íslenska hópnum sé með veiruna.

• Blogga um frétt