Leik Aftureldingar og Kórdrengja sem átti að fara fram í dag klukkan 14 hefur verið frestað í óákveðinn tíma vegna smits í herbúðum Kórdrengja.
Leikurinn átti upprunalega að fara fram í gærkvöldi en var frestað vegna smits í nærumhverfi leikmanns Kórdrengja. Nú er komið í ljós að leikmaðurinn smitaðist og því hefur verið framlengt á nýjan leik.
Er um að ræða annan leikinn á skömmum tíma sem er frestað en leik Fram og Víkings frá Ólafsvík var einnig frestað vegna smits í leikmannahópi Ólafsvíkinga.