Þróttur frá Vogum náði í sitt fyrsta stig í Lengjudeild karla í fótbolta í dag er liðið mætti Vestra á heimavelli. Lokatölur urðu 1:1.
Eftir markalausan fyrri hálfleik kom Vladimir Tufegdzic Vestra yfir með marki úr víti á 62. mínútu. Aðeins sex mínútum síðar jafnaði spilandi aðstoðarþjálfarinn Andy Pew og þar við sat.
Vestri er með fjögur stig og í sjöunda sæti eftir þrjá leiki. Þróttur fór upp úr neðsta sætinu og er nú í 11. sæti með eitt stig.