Newcastle gerði góða ferð til London þegar liðið heimsótti West Ham í ensku úrvalsdeildinni í knattspyrnu í kvöld.
Leiknum lauk með 2:0-sigri Newcastle en bæði mörk liðsins komu í síðari hálfleik.
Callum Wilson kom Newcastle yfir á 56. mínútu áður en Jeff Hendrick innsiglaði sigur liðsins með marki á 87. mínútu.
Newcastle fer með sigrinum upp í annað sæti deildarinnar og er með þrjú stig líkt og Arsenal, Liverpool og Crystal Palace.
West Ham er hins vegar í nítjánda sætinu án stiga.