Enski knattspyrnumaðurinn Andy Carroll hefur yfirgefið uppeldisfélag sitt, Newcastle. Hinn 32 ára Carroll skoraði aðeins einu sinni í 37 leikjum í ensku úrvalsdeildinni eftir að hann kom aftur til félagsins árið 2019.
Carroll skoraði 31 mark í 80 leikjum með Newcastle frá 2006 til 2011 og samdi síðan við Liverpool þar sem hann skoraði sex mörk í 44 leikjum.
Eftir það lá leiðin til West Ham þar sem hann gerði 33 mörk í 126 leikjum áður en hann kom aftur til Newcastle. Þá hefur Carroll skorað tvö mörk í níu landsleikjum fyrir England.