Bournemouth, nýliði í ensku úrvalsdeildinni í knattspyrnu, hefur fest kaup á sóknarmanninum Antoine Semenyo frá B-deildar liði Bristol City.
Kaupverðið er tíu milljónir punda og skrifaði Semenyo, sem er 23 ára gamall Ganabúi, undir fjögurra og hálfs árs samning.
Semenyo er þriðju kaup Bournemouth í janúarglugganum en áður hafði félagið fest kaup á sóknarmanninum Dango Ouattara og markverðinum Darren Randolph.