Kyle Walker og Nathan Áke verða ekki með Evrópumeisturum Manchester City gegn Real Madrid í 8-liða úrslitum Meistaradeildarinnar í fótbolta í Madríd annað kvöld.
Ferðuðust þeir ekki með liðinu til höfuðborgar Spánar. Walker meiddist í landsleik með Englandi undir lok mars en Áke meiddist gegn Arsenal á páskadag.
Væru þeir tveir að öllum líkindum í byrjunarliði City hefðu þeir verið heilir og því mikill missir fyrir Evrópumeistarana.
Leikur Real og City hefst klukkan 19 annað kvöld og verður í beinni textalýsingu á mbl.is.