Íþróttir | Rafíþróttir | mbl | 18.1.2022 | 12:12 | Uppfært 11.5.2022 16:37

Telur nostalgíu ekki slæman hlut

Asmongold ræðir endurspilun og aukapakka World of Warcraft. Skjáskot/Twitch/Asmongold

Asmongold heldur því fram að endurspilun á World of Warcraft Classic sé meira „spennandi“ en endurútgáfur í líkingu við FIFA, NBA 2K og Skyrim og hann telur að það snúist um nostalgíuna.

World of Warcraft heldur áfram eftir öll þessi ár. Asmongold telur að gæði leiksins séu aðalástæðan fyrir því. Útgáfa WoW Classic árið 2019 virðist hafa átt stóran þátt líka.

Fólk ósammála

Þar að auki eru þróunaraðilar alltaf að leita að nýjum leiðum til að halda leiknum ferskum. Ekkert getur gert það betur en aukapakkar. Ekki eru þó allir sammála þeirri staðhæfingu - sérstaklega þegar kemur að WoW Classic.

Einn af aðdáendum Asmongold tjáði sig um það á Reddit og sagði: „Af hverju er fólk svona spennt að spila útrásir sem það hefur þegar spilað áður? Þú ert bara að endurkaupa það sem þú hefur þegar keypt. Upplýstu mig.“

Asmon tók á skarið og ákvað að svara. Hann benti á að aðrir leikir eins og Skyrim, FIFA og NBA 2K gefi sífellt út endurútgáfur af leikjunum. Síðan útskýrði hann hvers vegna hann telur að WoW Classic stækkunin sé betri. Haft eftir Dexerto.

Ber saman við aðra leiki

„Ég er nokkuð viss um að ef það eru einhverjir Elder Scrolls aðdáendur hér, þá eru þeir orðnir frekar vanir því, ekki satt? sagði Asmongold.

„Hversu oft hefurðu keypt Skyrim? Fjórum eða fimm sinnum núna? Þeir gera þetta alltaf. Svona gengur þetta bara.“

„FIFA leikmenn kaupa nýjan FIFA leik á hverju ári. Hvað gera þeir? Þeir breyta númerinu á treyju Ronaldo og nú þarf að kaupa hana aftur fyrir fimmtíu dollara? Þá þarftu að kaupa öll nýju kortin aftur. NBA 2K gerir sama hlutinn.“

Ekkert slæmt við nostalgíu

„Ástæðan fyrir því að fólk er spennt fyrir því að spila gömlu WoW útgáfurnar er nostalgían. Mér finnst það ekki slæmt mál. Þú bara elskar leikinn og þú vilt fara aftur og spila hann aftur og fá þá reynslu sem þú fékkst áður.“