Knattspyrnukonan Cloé Lacasse gerði sér lítið fyrir og skoraði fjögur mörk í 7:0-sigri SL Benfica á Torreense í úrslitakeppni portúgölsku úrvalsdeildarinnar í dag.
Cloé, sem er frá Kanada en með íslenskan ríkisborgararétt, kom SL Benfica í 2:0 og skoraði svo þrjú síðustu mörkin í afar sannfærandi heimasigri.
Cloé lék á sínum tíma 79 leiki með ÍBV í efstu deild og skoraði í þeim 54 mörk. Hún tók upp nafnið Eyja á dögunum og heitir nú fullu nafni Cloé Zoé Eyja Lacasse.
Sóknarmaðurinn hefur verið í stuði á leiktíðinni og skorað ellefu mörk í níu leikjum.