„Að sjá stuðningsmenn fagna eftir allan þennan tíma var æðislegt,“ sagði Ciro Immobile við Sky á Ítalíu eftir 3:0-sigur Ítalíu á Tyrklandi í upphafsleik EM í fótbolta í kvöld. Immobile skoraði annað mark Ítala á 66. mínútu. 

„Við vorum þolinmóðir á móti góðu liði. Tyrkir eru erfiðir fyrir alla. Við reynum að þreyta þá með því að spila boltanum hratt á milli okkar. Því miður lentum við stundum á móti vegg á móti þeim, þar sem við erum ekki eins sterkir í loftinu. Þeir urðu svo þreyttari eftir hlé og eftir fyrsta markið fengum við meira pláss og þá komu gæðin okkar í ljós.“

Immobile var að spila sinn fyrsta leik á Evrópumóti og á heimavelli sínum. Framherjinn leikur með Lazio sem spilar heimavelli sína á Ólympíuvellinum í Róm. „Það gerist ekki betra en að skora í fyrsta leik á Evrópumóti á mínum velli,“ sagði Immobile.

Tengdar fréttir

EM í fótbolta 2021

„Fyrsta merkið um hamingju“

• Lætur kynþáttaníð ekki brjóta sig niður
• Allt þetta „kemur heim“-dæmi hvatti okkur til dáða
• Hatrið mun aldrei sigra
• Schick skoraði fallegasta mark keppninnar

» Fleiri tengdar fréttir

• Blogga um frétt