Tveir leikir af átta í Meistaradeild Evrópu í kvöld hófust klukkan 16:45. Voru það leikir RB Leipzig - Celtic og RB Salzburg - Dinamo Zagreb.
RB Leipzig vann 3:1 sigur á Celtic í Þýskalandi. Christopher Nkunku kom heimamönnum yfir á 27. mínútu áður en Portúgalinn Jota jafnaði metin fyrir skosku meistarana á 48. mínútu. Landi hans, André Silva skoraði svo tvö mörk og tryggði Leipzig afar mikilvægan 3:1 sigur.
Staðan í riðlinum er því eftirfarandi:
1. Real Madrid - 6 stig.
2. Shaktar Donetsk - 4 stig.
3. RB Leipzig - 3 stig.
4. Celtic - 1 stig.
Real Madrid og Shaktar Donetsk mætast svo í Madrid klukkan 19:00.
RB Salzburg vann sterkan 1:0 sigur á Dinamo Zagreb í Austurríki í dag. Eina mark leiksins skoraði Svisslendingurinn Noah Okafor úr vítaspyrnu á 71. mínútu.
Staðan í riðlinum eftir leikinn er:
1. Salzburg - 5 stig
2. AC Milan - 4 stig
3. Dinamo Zagreb - 3 stig
4. Chelsea - 1 stig.
Chelsea og AC Milan mætast svo í Lundúnum klukkan 19:00.