Spjótkastarinn Ásdís Hjálmsdóttir Annerud og kringlukastarinn Guðni Valur Guðnason eru frjálsíþróttafólk ársins en þetta kom fram í fréttatilkynningu sem frjálsíþróttasamband Íslands sendi frá sér í dag.
Ásdís lagði skóna á hilluna eftir tímabilið og hennar síðasta mót var Castorama-mótið í Svíþjóð þar sem hún keppti í kúluvarpi, spjótkasti, kringlukasti og sleggjukasti.
Ásdís á Íslandsmetið í spjótkasti sem er 63,66 metrar en það setti hún árið 2017. Hún hefur keppt á þrennum Ólympíuleikum, 2008, 2012 og 2016 en hún hefur lengi verið á meðal fremstu spjótkastara heims.
Guðni bætti 31 árs gamalt Íslandsmet í kringlukasti í í september þegar hann kostaði kringlunni 69,35 metra. Guðni vonast til að ná lágmarkinu fyrir Ólympíuleikana í Tókýó 2021 en til þess að tryggja sér sæti í Japan þarf hann að kasta yfir 66 metra.
Aðrar viðurkenningar FRÍ:
Hópur ársins: UFA
Nefnd ársins: Langhlaupanefnd
Þjálfari ársins: Pétur Guðmundsson
Piltur ársins 19 ára og yngri: Kristján Viggó Sigfinnsson
Stúlka ársins 19 ára og yngri: Guðbjörg Jóna Bjarnadóttir
Óvæntasta afrek 19 ára og yngri: Eva María Baldursdóttir fyrir stúlknamet í hástökki
Hvatningarverðlaun unglingaþjálfara: Óskar Hlynsson
Bestu afrek öldunga: Anna Sofia Rappich og Kristján Gissurarson
Götuhlauparar ársins: Guðlaug Edda Hannesdóttir og Hlynur Andrésson
Utanvegahlauparar ársins: Rannveg Oddsdóttir og Örvar Steingrímsson
Lagnhlauparar ársins: Andrea Kolbeinsdóttir og Hlynur Andrésson
Stigahæsta afrekið: Guðni Valur Guðnason fyrir Íslandsmet sitt í kringlukasti
Jónsbikar fyrir besta spretthlaupsafrekið: Kolbeinn Höður Gunnarsson fyrir Íslandsmet í 200 metra hlaupi innanhúss.
Stökkvarar ársins: Hafdís Sigurðardóttir og Kristján Viggó Sigfinnsson
Millivegalengdarhlauparar ársins: Ingibjörg Sigurðardóttir og Hlynur Andrésson
Kastarar ársins: Ásdís Hjálmsdóttir og Guðni Valur Guðnason
Sprettthlauparar ársins: Guðbjörg Jóna Bjarnadóttir og Kolbeinn Höður Gunnarsson
Fjölþrautarfólk ársins: Ísak Óli Traustason og María Rún Gunnlaugsdóttir
Óvæntasta afrekið: Baldvin Þór Magnússon fyrir piltamet í 3.000 metra hlaupi innanhúss
Frjálsíþróttakraftur ársins: Hilmar Örn Jónsson og Vigdís Jónsdóttir