Allt á réttri leið hjá Valdísi

Valdís Þóra Jónsdóttir atvinnukylfingur var aðeins einu höggi frá því að komast í gegnum niðurskurðinn á ActeAGL Canberra Classic-mótinu í Evrópumótaröðinni í golfi um helgina. Hún segir mótið hafa verið rússíbana.

Frétt af mbl.is

Valdís naumlega úr leik

„Þá er mótinu í Canberra lokið og það var örlítill rússíbani. Góð högg og slæm högg eins og alltaf en ég einfaldlega náði ekki að skora almennilega á fyrsta hringnum. Seinni hringurinn var betri þó það hefði verið þægilegt að sjá aðeins fleiri fugla falla þar sem tækifærin voru til staðar. Missti köttið með 1 höggi en það er nú stundum svo. Þetta er allt á réttri leið,“ skrifaði Valdís á Facebook-síðu sína. 

Valdís verður áfram í Ástralíu næstu vikurnar og næsta mót er á Bonville-golfvellinum frá 22. til 25. febrúar. „Ég er komin yfir til Adelaide og mun verja næstu viku hérna. Læt vita af mér fljótlega,“ skrifaði Valdís að lokum.

• Blogga um frétt