Óðinn Þór Ríkharðsson lék vel fyrir GOG í 28:21-útisigri á Ribe-Esbjerg í dönsku A-deildinni í handbolta í kvöld. Óðinn skoraði fimm mörk úr sjö skotum og var þriðji markahæstur í sínu liði.
Gunnar Steinn Jónsson skoraði þrjú mörk fyrir Esbjerg, en Rúnar Kárason lék ekki með að þessu sinni. Staðan í hálfleik var 11:10, Esbjerg í vil, en GOG sýndi styrk sinn í síðari hálfleik.
GOG er í þriðja sæti deildarinnar með 21 stig og Ribe-Esbjerg í 10. sæti með átta stig.