Kristján Örn Kristjánsson átti stórleik fyrir Aix sem heimsótti Frakklandsmeistara PSG í fyrstu umferð frönsku úrvalsdeildarinnar í handknattleik um helgina.
Leiknum lauk með 34:31-sigri PSG en Kristján gerði sér lítið fyrir og skoraði sjö mörk úr níu skotum og var markahæsti leikmaður Aix í leiknum.
Frammistaða Kristjáns í leiknum skilaði honum sæti í liði umferðarinnnar hjá franska miðlinum L'Équipe en stórstjarna PSG, Nikola Karabatic, fékk einnig sæti í liðinu fyrir frammistöðu sína í leiknum.
Umfjöllun L'Équipe má sjá með því að smella hér.