Martin Hermannsson og samherjar hans hjá þýska liðinu Alba Berlín máttu í kvöld þola 102:107-tap gegn Fenerbahce frá Tyrklandi á útivelli í EuroLeague, sterkustu félagsliðakeppni Evrópu í körfubolta.
Martin var sterkur hjá Alba og skoraði 12 stig, gaf fjórar stoðsendingar og tók eitt frákast. Staðan eftir venjulegan leiktíma var 88:88, en tyrkneska liðið var sterkara í framlengingunni.
Alba er í 15. sæti af 18 liðum í keppninni með fjóra sigra og átta töp. Liðið mætir Bayreuth á útivelli í þýsku deildinni á sunnudaginn kemur.